يا مار مارون القاعد بالداون تاون اطلع فينا. من الناقورة لوادي خالد محروق دين يلي خلفنا وفي قرطة حنيكريي نازلين بكرا لعندك ! بكل وقاحا نازلين لعندك. أنا مطرحك بسكر باب الكنيسة وبركعن عالطريق . نحنا بطلنا عارفين شو محل هالقرطة من الإعراب. شي بكرافاتيت شي بلا كرافاتيت بطلنا عم نفهم ! بس منعرف إنو بلشنا نجوع
في واحد رح يفوت ويخبرك إنوالبترول ماروني وفي واحد رح يقلك إنو المقاومة شيعية وفي واحد إزا إجا! رح يقلك الوسط درزي وعند اختلاف الدول بحفظ راسي! يلي عم يلعب بالنواب عم يلعب على الكلام ما تصدقو ما في أمل. وفي واحد رح يقلك ما يهمك رح اندبرها ويخلعنا اتفاق يا محلا الرباعي . في واحد رح يوصل باللآخر وبيدقولوا !صرلوا شي سنتين تلاتي عم يطلع بالساعة مش مصدق ايمتن بتجي الساعة. هيدا زلمي عم يتعزب! بس الحق علي، كان عارف لوين جايي ، بدو يعلق نيشان إضافي؟
بلبنان ما في نضافة! التلفزيون قال مسحوق إضافي مع برسيل، زيادة نضافه من برسيل. صارت النضافة بتجي من المانيا
مار مارون! زت علين برسيل وكبهم بالبحر
مش بعيد عنك البحر بالداون تاون
الله يرحم العملها....
كان رجال
وكان يحبك
شربل غير القديس